Экологи гээшэ биологиин ухаанай нэгэ hалбари hэн тула хүн түрэлтэнэй, ан арьяатанай ба ургамалай аймагай нягта холбоонуудые, харилсаануудые тэнсүүлэн заабарилха эрдэм болоно. Бидэ булта гэр байшангуудтай байнабди, харин маанадые тойроод байһан агуу байгаали баhал нэгэ ехэ байра, байха газарнай болоно бшуу. Һүбэлгэн ухаатай хүн түрэлтэн амитанай аймагта оролсожо, ёhотойл байгаалиин нэгэ хуби, байгаалиhаа ехээр дулдыдадаг болонобди.
Элинсэгнай эртэ балар сагhаа байгаали шэнжэлэн, галай хүсэ ажабайдалдаа хэрэглэжэ дэбжэhэн, газар уhаяа, ой модоёо зүбөөр эдлэжэ ябаhан түүхэтэй. Урданай домог, үльгэр түүхэ, гар бэшэгүүд соо уhа бузарлахада, газар малтахада, ой модо галдахада, хюдахада, дэлхэйн эзэд тэрэ уладта хүйтэн зуд, hалхи шуурга, элдэб үбшэнэй аюулнуудые амсуулна гэжэ түүрээгдэдэг ха юм. Буддын шажан энээниие нүгэл, муу үйлын үрэ гээд hүзэгшэдтөө ойлгуулдаг.
С.Ешисамбуевай «Нангин эхэ байгаали» номһоо.
