Тэрэ сагһаа Агын шажанай дээдэ һургуулиин эмнэлгын, гүн ухаанай, зурагай таһагуудые олон оюутад түгэсхэжэ, Агын тойрогой, Үбэр Байгалай хизаарай, Буряад ороной, Эрхүүгэй можын, Тува, Алтай, Яхад республикануудай, Москва, Санкт-Петербург, Новосибирск гэхэ мэтэ хотонуудай эмнэлгын газарнуудта хүдэлнэ, олон дасан дугангуудта лама санаартан, унзад, гэсхы, шэрээтэнэр боложо, буянта хэрэг эрхилнэ.
Ехэ зиндаатай түбэд ламанар: Донам багша – гүн ухаа (философия), Галсан багша – түбэд хэлэ, Гончик багша – түбэд эмнэлгэ (1997 онһоо), Монгол ороной Эрдэнэдагва Шагдарсүрэн – зурхай, Шэнэхээн нютагһаа ерэһэн Жамбал багша – хуушан монгол хэлэ, ректорэй орлогшо Баирма Дашиева – англи хэлэ, Цындыма Дашиева хуушан монгол хэлэ анха түрүүн зааһан байна. Агын Буддын шажанай академи 1999 ондо дүүргэһэн Сультимов Чингиз гэбшын зиндаа бариһан, тус һургуулиин хүтэлбэрилэгшэ (ректор) ба Агын дасанай ехэ гэсхы юм.
Зураг дээрэ:
1. Баруун таладань - һургуулиин түрүүшын ректор Бабу ламада (В.Чимитдоржиевта) зорюулагдаһан субарга.
2. Ц.Дашиева (зүүн гарһаа), Ж.Дашицыренов, дид хамба Цырен лама, Галсан багша, Э.Шагдарсүрэн, Б.Дашиева.
3. Донам багша (дундань).
