Эрдэм Болотовой хэды шүлэг дурадхая:
Дайн бэшэ бү болог!
Дайн!
Оройдоол дүрбэн үзэг лэ даа,
«Дайн!»
Ямаршье аймшагтай үгэб даа!
Хэды олон эжынэр
Хүбүүдээ хүлеэн үтэлѳѳб даа?!
Хэды олон хүүгэд үншэржэ зобооб?!
Энэ hайхан дэлхэй дээрэмнай
Энхэ тайбан ажабайдал
Хододоо мандаха болтогой!
Дайн дажарай хатууе
Арад зомнай бү үзэг лэ,
Эжынэр хүүгэдээ
Жаргалтайгаар үндылгэг лэ!
Дайн
Дүрбэн жэл тогтонгүй,
Гал дүлэн соогуур
Хүсэтэй, зүрхэтэй
Совет манай сэрэгшэд
Хархис муухай дайсадые
Хорото үүр хүрэтэрнь
Бута сохин үлдѳѳ лэ!
Амгалан байдал тогтог!
Хайрата эжынэр,
Ара талада хүдэлhэн
Yбгэд хүгшэд, эдир хүүгэд
Ажал хэжэ, Илалта асаралсаа,
Yдэр hүнигүй малаа хараа.
Өөhэдөө үлэн хооhонууд
Өөхэ, тоhоёо
фронтдо эльгээгээ.
Дулаан оймhо, бээлэй оёжо,
Даарангүй ябахыень
сэрэгшэдтэ эльгээгээ.
Халуун шулуу долёоhон
Миниишье хүгшэн эжын нэрэ
Манай нютагай түүхэдэ
Мүнхэ зулаар бадаранхай.
Таанадай нэрэ мүнхэ!
Алтан үзэгѳѳр
хүшѳѳнүүдтэ бэшээтэй.
Таанадай алдар соло
Дурасхаалай
ном соо бэшээтэй.
Буян ба нүгэл
Буян нүгэл хоёр
Харша удхатай үгэнүүд
Буян гэхэдээ, hайн хэрэгүүд,
Нүгэл гэхэдээ, муу ябадалнууд.
Буряад хэлэеэ үзэхэ, үргэхэ
- буян,
Хүндэ туhалха, баярлуулха
- буян.
Хүн болоод
амитаниие зобоохо - нүгэл,
Худал хуурмаг ябадал - нүгэл.
Нүгэл хэнгүй ябаял даа,
Нэрэеэ hайнаар нэрлүүлэе.
Буян хэжэ ябаял даа,
Булта hайн байхабди.
Билигма БОЛОТОВА,
Сахюуртын дунда һургуулиин багша.
