Могойтын 2-дохи дунда һургуулиин 10-дахи ангиин һурагша Доржо Догой нютагай сагаангууд угай Гомбо Цырендоржиев ба галзууд угай Баирма Ринчиндабаева хоёрой бүлэдэ 2007 оной ноябриин 22-то гурбан хүүгэдэй хоёрдохинь боложо түрэһэн байна.
Доржо хоёрдохи ангиһаа эхилжэ, Могойтын аймагай хүүгэдэй-эдиршүүлэй тамирай һургуулида дүрэ буляалдаата барилдаагаар Россиин Федерациин габьяата һоригшо Дугаржап Жаргаловай хүтэлбэри доро бэеэ һоридог юм. Долоон хоногой таба дахин ябажа, барилдаанай оньһонтой танилсадаг, дүрэ мэхэеэ буляалсадаг, бэеэ хүдэржүүлдэг. Могойтын аймагай, Агын Буряадай тойрогой, Үбэр Байгалай хизаарай болон бүхэроссиин хэмжээнэй мүрысөөнүүдтэ амжалтануудые туйлаһан. Агын тойрогой хүүгэдэй-эдиршүүлэй тамирай һургуулиин захирал ябаһан, тойрогой Дүүмын III зарлалай депутат Альберт Дамдиновай дурасхаалда зорюулагдаһан Үбэр Байгалай хизаарай XIV мүрысөөндэ 35 кг шэгнүүртэ илагша (2019 он), 2022 ондо «Локомотив» РФСО-гой шанда хүртэхын түлөө бүхэроссиин «Надежда БАМа» гэһэн мүрысөөндэ 2007-2008 онуудай хүүгэдэй дунда 48 кг шэгнүүртэ барилдажа, түрүү һуури эзэлһэн байна. Тиигэжэ дүрэ буляалдаата барилдаагаар Доржо тамирай мастерта кандидат болоһон юм. Гадна тамирай хэшээлдэ дүршэлтэй багша Жамсаран Доржиевай һорилго доро волейбол, футбол наадаха дуратай.
(Үргэлжэлэлынь 12-дохи дугаарта).
Нордоп БАБУЕВА.
