Хүндэтэ үхибүүд!
Зунай халуун үдэрнүүдэй ерэхэдэ, уhанда орохо дурантнай хүрэнэ бэзэ? Уhанда тамаралга хадаа бэеэ элүүржүүлгын тон hайн аргануудай нэгэн болоно, юундэб гэхэдэ уhанай, агаарай, үгы гэбэл наранай элшэнүүдэй нүлөө ехэ. Харин бэедээ туhатайгаар, сагаа аятай зохидоор үнгэргэхэеэ hанабал, доро үгтэhэн дүримүүдые сахигты.
Тамархые хориһон тэмдэгтэй газарта уһанда орожо болохогүй.
Зорюута зохёогдоhон, зүбшөөгдэhэн газарнуудта гэртэхинэй, бүдүүн зоной харууhан доро уһанда орогты. Хэрбээ тамаржа шадахагүй hаа, зохёогдомол, 1 метрhээ гүнзэгы бэшэ, гүйхэн газарта уhанда орогты.
Үдын хойно, үдэшэлэн уһанда оробол, уһаниинь халаад байха. Уhанай температура 17-19 градусhаа хүйтэн бэшэ байха ёhотой. Уhан соо 20 минутаhаа удаан байлтагүй, хэрбээ уhанай хүйтэншэг hаань - 5-7 минута.
Пляж дээрэ толгойгоо дан ехээр шаруулхагүйн тула панама, кепкэ үмдэгты. Танигдаагүй газарта бү шунгагты - оёортонь шэнгэhэн бүрэмнөөнүүд, шулуунууд, дархинууд, түмэр hабаанууд г.м. байжа болохо.
Тамаржа , холо бү ябашагты. Хэршье бэрхэ тамарагша hаа, гүнзэгы газарта бү орогты. Хүүргэhээ, эгсэ эрьеhээ, бэшэшье үндэр газарhаа бү шунгагты.
Тамархадаа бэрхэшье hаа, тамаралгын үлеэмэл хэрэгсэлнүүд дээрэ эрьеhээ холо бү ошогты. Бүрэмнөөнүүд, хабтагайнууд болон өөрөө зохёоhон hала дээрэ бү тамарагты. Уhан соо бэе бэеынгээ хүлhөө, гарhаа таталсан наадажа болохогүй.
Һалхи шуурганай үедэ уhанда орожо болохогүй.
ТОЛИ
Гол, гол мүрэн - река;
Горхон - ручей;
Сөөрэм - водоём;
Уhанда орохо, тамарха - купаться;
Тамарагша - пловец;
Уhа оймохо - бродить по воде;
Шунгаха - нырять, погружаться, окунаться в воду;
Бэеэ hойлго – закаливание организма;
Тамаралгын үлеэмэл хэрэгсэлнүүд - надувные плавательные средства;
Һала - плот.
Дэлгэрэнгыгээр 26-дахи дугаарта.
