Мылын ба содын холисо
1 литр бүлеэн уһанда тёркоор жэжэ болгогдоһон ѳѳхэн мылын 4-эй 1 хуби болон 1 томо халбага кальцинированнэ содо хэжэ худхагты. Мылэгүйгѳѳр ганса содо хэрэглэбэл, бороо уһанда түргөөр угаагдашаха.
Үнэһэнэй холисо
5 литр уһанда нэгэ аяга үнэһэ худхаад, 12 часай туршада байлгагты. Һүүлээрнь шэрхэтэй болоһон грядкануудаа уһалагты. Энэ арга - аша туһатай аргануудай нэгэн.
Помидорой гү, али хартаабхын эшээр холисо
Эшыень жэжээр хэршээд, жэшээнь, 3 литрэй амһарта дүүргэгты. Дээрэһээнь бусалһан халуун уһа нэмэхэ хэрэгтэй. Сүүдхэ байлгаад, бутаргаһан 1 томо халбага мылэ, али угаабариин порошок нэмэхэ.
Үдэшэлэн үбшэндэ дайрагдаһан ургамалдаа бэлдэһэн юумэеэ ехээр, газарайнь норотор сасаха хэрэгтэй. Нэгэ хэды хэрэглэхэдэ, хорлогшод үгы болодог.
