Самолёт Түнхэнэй ба Ахын аймагуудай дэбисхэрнүүдые «сибириин шелкопряд» гэhэн шумуулhаа аршалхын тула хоро шэдэхэ талмайнуудые тодорхойлжо ниидэhэн ушартай. Тиигээд июлиин 19-дэ Түнхэнэй аймагай Хэрэн нютагhаа ниидэжэ гараад, hураггүй үгы болоо.

АН-2 самолёдой борт дээрэ экипажай хоёр гэшүүд ба авиахимическэ албанай дүрбэн мэргэжэлтэд байгаа гэжэ эли. Муу уларил, орьёлто ууланууд болон үдхэн тайгатай газар бэдэрэлгын хэрэгтэ бэрхэшээлнүүдые үзүүлнэ.

Бэдэрэлгын хэрэгтэ тусхай отрядуудhаа гадуур дүй дүршэлтэй ангуушад ба сэрэгэй самолёдууд хабаадана.

You have no rights to post comments