«Рытый» хушуун
Байгалай эрьеын эгээл таабарита газарнуудай нэгэн – «Рытый» гэhэн хушуун (мыс). Эртэ урдын сагhаа эндэ хүнүүд байр-ладаггүй, агнажа, жэмэс түүжэ ошодоггүй, тэндэ нэгэшье зүргэ харгы байхагүй. Тус хушуунай хажуугаар тамаржа гараhан онгосонуудай олонхинь эбдэрдэг гэжэ хэлэгдэнэ.

Нэгэшье буряад хүн тиишээ ошохоо зүрхэлдэггүй ха. Домогоор, «Рытый» хушуунда Хойто Байгалай эзэн, долоон hалхинай эсэгэ болохо Yхэр ноён хүдөөлүүлэгдэhэн. Мүнөө тэндэ Yхэр ноёной хүбүүдынь байрлажа, Байгалай хойто зүгтэ шанга шуурга hалхинуудые эльгээдэг гэhэн түүхэтэй.

Yбэлдөө тус хушуунай хажуудахи Байгалай мүльhэн соо 10 метр үргэнтэй, хүрэдэггүй уhатай забhар ехээр гайхуулдаг. Ямар таабарита хүсэн тэндэ олон арбаад метрэй зузаан мүльhэ хахалжа хайлуулнаб?! Энэ асуудалда эрдэмтэд харюусаха аргагүй.

Ойхон олтирогhоо холо бэшэ байрладаг хушуунай уулын хабшал руу досооhоо ялагар гэрэлтэй сагаан шаарнуудай ниидээд орохонь тодоор харагдадаг. Мүн лэ эндэ тэндэ ялалзаhан галнууд олоороо үзэгдэдэг ушартай.

Байгалай «Рытый» хушуун дээрэ Англиин бүхы дэлхэй-гээр суутай Стоунхендж гэhэн газарта адли таабарита шулуун барилганууд бии. Эрдэмтэдэй элирүүлhээр, Стоунхендж - Нарата юртэмсын багахан модель. Атлантнууд, али гэбэл урдын арийцууд гэhэн урдахи галабай ажаhуугшад манай юртэмсын тиимэ шулуун модельнүүдые бүхы дэлхэйгээр барижа табиhан түүхэтэй.

You have no rights to post comments