2025 оной ноябриин 22-то Υзөөнэй «Даши Түбдэнлин» дасанай шэрээтээр Галсандоржиев Баясхалан (Баярто) лама һунгагдаа.
Шэрээдэ hуулгын баяр ёһололдо Үбэр Байгалай хизаараар дид хамба Цырен Дондукбаев түрүүтэй Агын дасанай санаартан, суг hураhан ламанар, Дулдаргын аймагай захиргаанай түлөөлэгшэд, нютагай аха захатан, түрэлхид, үетэн нүхэд, һүзэгшэд хабаадаhан байна.
Баясхалан Баторович 1986 оной ноябриин 15-да Агын аймагай Һүдэнтэ нютагта Батор ба Любовь Галсандоржиевтанай гэр бүлэдэ түрэһэн юм. 1993 онһоо 2001 он болотор Һүдэнтын дунда һургуулида һураа, 2004 ондо Амидхаашын дунда һургуули дүүргэһэн.
Агын буддын шажанай академидэ 2004 ондо ороһон байна. Ивалгын дасанай дэргэдэхи Дамба-Даржа Заяаевай нэрэмжэтэ буддын шажанай университедтэ 2005 онһоо 2013 он болотор Υзөөнэй дасанhаа эльгээгдэжэ hураа.
2014 онһоо Υзөөнэй дасанда унзад ламаар алба хэжэ байгаа.
