Һургуулиин шэнэ байшан 2006 ондо баригдажа, ашаглалгада тушаагдаhан юм. Хүдөөгэй hургуулида hуралсалай ажабайдалтай дүтөөр танилсахаар. Yе сагай hэлгээн соогуур эхин шатын, найман жэлэй, удаань дунда һургуули болоhон. Һуралсалай буланда мүнөөнэй эрхэ байдалда үхибүүд эрдэм мэдэсэтэй болоно. Ургажа ябаһан үетэниие эрдэмтэй болгохо хэрэгтэ олон шэглэлтэй программанууд бэелүүлэгдэнэ. Нютагай үхибүүд Могойтын аймагай, тойрогой, хизаарай, бүхэроссиин олимпиадануудта, эрдэмэй-дүршэл абалгын хуралдаануудта, мүрысөөнүүдтэ хабаадажа, урдалхуу ябадаг гээшэ. Уртын хүбүүд ба басагад хаанашье ябаа һаа, түрэл нютагаа, һургуулияа дээгүүр нэрлүүлжэ, багшанараа омогорхуулжа ябадаг. Дүй дүршэлтэй багшанар үхибүүдые һургажа, эрдэм бэлиг олгоно. Тамирай талаар Урта нютагай эдир атледүүд бэрхэ шуранаараа, хурданаараа онсо шалгардаг. Уртын дунда һургуули Могойтын аймаг, тойрог дотороо эрхимүүдэй тоодо ябадаг юм...
Наймадахи нюурта тус һургуулиин захиралтай эмхидхэһэн хөөрэлдөө уншахыетнай дурадханабди.
