Ага нютагай эрхим хүбүүдэй нэгэн, хамтын ажалай хойноһоо бүхы наһаараа оролдожо ябаһан ажалай баатар Балдандоржи Батоев Могойтын аймагай Догой нютагта 1911 ондо түрэһэн байна. Тэрэ түрэһэн һара, үдэрөө мэдээгүй үндыһэн. Алтан дэлхэйдэ мүндэлһэн сагаа мэдээгүйдөө тэрэ гэмтэй бэшэ, тэрэ холын сагта данса дээрэ эли бэшэ шалтагаанаар бэшэгдээгүй үлэшэһэн. Тэрэ үеын хүүгэдтэл адли Балдандоржи аха малшанай гэр бүлэдэ үндыһэн юм. Гончиков Бато абань хүдөөдэ мал ажаллаад, үри хүүгэдээ һургаһан. Балдандоржи хүбүүн Догойдоо гурбан анги дүүргээд, арбан гурба наһатайдаа бүдүүн зонтой адли хүдөөгэй хара ажал хэлсээ. Зөөреэр баян, шадалтай зоной мал адуулһан.

You have no rights to post comments