Хүндэтэ үхибүүд!

«Улаалзай» гэһэн тусхай дугаарта таанадтаа уран зохёолой талаар даабаринуудые зохёобобди. Таанадай зорилго - мэдэсэеэ шалгажа, зүб харюунуудые үгэхэ.

1-дэхи даабари:

Уран зохёолшодой, поэдүүдэй нэрэ обогуудые хэр һайнаар мэдэнэбта? Сэгүүдэй (точки) орондо нэрэ алдарыень хүсэлдүүлжэ бэшэгты.

А) Агымнай мэдээжэ поэтессэ Дугарма Батоболотовна …;

Б) Үхибүүдтэ зорюулһан «Тэхэ бабанын түүхэ» шүлэглэмэл зохёолой автор … Доржиевич Абидуев;

В) Гунга Гомбоевич … Таанад тэрэнэй баснинуудые, шүлэгүүдые, рассказуудые уншаһан байхат;

Г) «Хонин маарадаг гү, мѳѳрэдэг гү» шүлэг зохёогшо Цырен-Базар … Бадмаев.

2-дохи даабари:

Поэдүүдэй дүрэ зурагуудые хаража, хэниинь Агын тойрогһоо гарбалтай бэшэб гэжэ элирүүлэгты.

 

   

                  Батожаргал Гармажапов.                            Шуя-Ханда Базарсадаева.                 Хоца Намсараев.                     Арсалан Жамбалон.

 

3-дахи даабари:

Интернет соо Дондок Улзытуевай фото-зураг бэдэрхэдэ, олон тоото фотографинуудай дунда иимэ фото-зураг гаралсана. Мүн фото-зурагтань «Дондок Улзытуев» гээд бэшээтэй.

Үнэндѳѳ энэ хэнэй фото-зураг бэ?

 

 

 

 

 

 

 

 

 

4-дэхи даабари:

           • Агада хэблэгдэдэг буряад            • Улаан-Үдэдэ хэблэгдэдэг буряад

                   хэлэтэ газетын нэрэ                            хэлэтэ журналай нэрэ

 

5-дахи даабари:

«Сэсэн хүүхэн», «Тоти шубуун» гэһэн зохёолнуудай авторынь хэн бэ? Уран зохёолой ямар жанрта эдэниие оруулхаар бэ? 

6-дахи даабари:

А) Ага тосхондо ямар уран зохёолшодой нэрэмжэтэ үйлсэнүүд бииб?

Б) Зохёолшо Даширабдан Батожабайн нэрэмжэтэ һургуули тойрогоймнай али нютагта оршодог хаб?

В) Жамсо Тумуновай түрэһэн Табтаанай нютагта тэрэнэй нэрэмжэтэ соёлой ямар эмхи хүдэлдэг бэ? 

7-дохи даабари:

Үхибүүд, Цырен-Базар Бадмаевай «Хурьганай толгой юундэ зохолноб?» гэһэн шүлэг уншаад, энэ хурьган юундэ тиигэнэб гэжэ харюусагты.

Хурьганай толгой юундэ зохолноб?

 

Эреэхэн хурьган

Эртэшье,

оройшье –

илгаагүй,

Үндэр хорёодо

Үрэнэ толгойгоо –

таһалгаряагүй.

Хаанашье ябабал,

Хабирха юумэ бэдэрнэ.

Гэнтэ ошожо,

Гэрэй ханада шүргѳѳлдэнэ.

 

 

 

 

1-дэхи даабари: А) Батоболотова; Б) Баваасан; В) Чимитов; Г) Бадмаевич.

2-дохи даабари: Хоца Намсараев Буряад ороной Хориин аймагһаа гарбалтай юм.

3-дахи даабари: Үнэндѳѳ уран зохёолшо Жамсо Тумуновай фото-зураг юм.

4-дэхи даабари: «Толон» газетэ ба «Байгал» журнал.

5-дахи даабари: «Сэсэн хүүхэн», «Тоти шубуун» үеһѳѳ үедэ аман үгѳѳр дамжан ерэһэн онтохонууд болоно. Тиимэһээ авторгүй, арадай аман зохёол шуу.

6-дахи даабари: А) Жамьян Балданжабоной, Жамсо Тумуновай нэрэмжэтэ үйлсэнүүд; Б) Догойдо; В) Музей.

7-дохи даабари: Хурьганай эбэр ургахаяа һанаад зохолходонь, тэрэ толгойгоо хорёодо үрэнэ, гэрэй ханада шүргѳѳлдэнэ.

You have no rights to post comments