Эмээлэй хабтаһан (седельные лавки, доски у седла) – мориной нюрганай хоёр тээ байха гэһэн, арбаад сантиметр үргэнтэй хуһан хабтагайнууд.
Бүүргэ (лук у седла) эмээлэй хабтаһануудые холбодог. Урда бүүргэнь сэхэшэг, хойто бүүргэнь хойшоо халта хэлтыһэн байха.
Бүгэжэ (скоба на луке седла). Бүүргэнүүдэй оройгоор хадаһан бүгэжэ дээрэ саарһан шэнги болотор дабтаһан мүнгэ тохожо хэдэг.
Малаабша (посеребрённая пластинка на седле). Урда бүүргын нюур ба хойто бүүргын ара тала хоёрые үргэлжэ мүнгөөр хушадаг байгаа. Энэнь малаабша гэжэ нэрэтэй.
Маюуза (подушка на седле) - хилэнгээр (бархат) бүриһэн һэеы һуури.
Таб (металлическая бляха) – эмээлэй маюузада, дэбһэндэ, мүн хазаарта мүнгэн табууд һуулгагдадаг.
Ганзага (торока, ремешки у седла для привязывания вьюка). Урда бүүргын урда тээ, хойто бүүргын ара тээ эмээлэй хабтаһануудые үрэмдэжэ нүхэлөөд, тэрэ нүхэнүүдтэнь гүрэмэл хара утаһа – ганзага оруулдаг.
Дүрөөбшэ (тебенёк) гээшые эмээлэй доодо тээнь мориной нюрган дээгүүр бүгтэрүүлдэг (класть поперёк). Мориной гэдэһэнэй дүрөөдэ үрэгдэхэгүйн тула хэгдэдэг.
Дэбһэн (чепрак) - хара хилэн дээрэнь барижа шэдэһэн һэеы, эмээлэй хабтаһануудай дээдэ талада хадагдадаг.
Тоборюулга (шляпки заклёпок, бляхи как украшение на сбруе) - дэбһэнэй захаар жэрытэр хадагдадаг, хара гү, али сагаан туулгаар (свинец или олово) хэгдэдэг монсогорхон тархитай богонихон хадааһан.
Дүрөө (стремя). Хабтаһануудай тэгэн дундаһаа, дэбһэн дороһоо арһан гү, али булгайр (выделанная кожа - юфть) ооһор оруулжа, дүрөөнүүдые шагтагалдаг. Дүрөө дүрөөлхэ (вдевать ногу в стремя) гээд хэлэдэг шуу.
