Гуламта (очаг) һэеы гэрэй тэг дунда, үрхын доро түхеэрэгдэдэг.
Хойто тала, хоймор (северная сторона) - баруун хойноһоо зүүн хойно хүрэтэр гуламтада туласа зай.
Үүдэнһээ сэхэ хойшоо оршодог хоймор тала тон хүндэтэй дээрэ тоологдодог, эндэ эгээл сэнтэй юумэн табигдадаг: бурханай шэрээ, үнэтэй эдлэлнүүдтэй болон гоёлой хубсаһа хунартай ханзанууд. Айлшадаа, хүндэтэ түрэл гаралаа хоймортоо һуулгадаг юм.
Баруун тала (западная сторона) эрэ хүнэй тала гэжэ тоологдодог.
Энэ талада эрэ хүнэй оро дэбдихэр, эмээлэй үхэг, агнууриин болон сэрэгэй буу зэбсэгүүд гэхэ гү, али малшан эрэ хүндэ хабаатай бүхы юумэн табигдадаг.
Зүүн тала (восточная сторона) - эхэнэрэй тала.
Эхэнэрнүүдэй орон унтари, хүнжэл хушалтанууд, эдеэ хоо-лой зүйлнүүд, гэр һуудалай бусад зөөри хогшолнууд эндэ табигдадаг.
Урда тала (южная сторона) тоног зэмсэгэй хуби юм.
Үүдэнһээ зүүн талаар, эрэ хүнэй талаһаа доошоо, мориной тоног зэмсэг, мал ажалай хэрэгсэлнүүд байха.
Һая гараһан хурьгад, тугалнууд торнитороо эндэ байлгагдадаг һэн.
Үүдэнэй баруун гар талада амһарта болон эдеэнэй зүйл хэхэ эргэнэг (тоохоон), эдеэнэй үхэг табигдадаг. Элдэб аяга амһартанууд-тай тагууд түхеэрэгдэдэг, уһанай, һүнэй амһартанууд зогсодог.
