Үргөөл гэжэ юун бэ?
Эрын юһэн эрдэмэй тоодо агнуури хэлгэ ороно. Туургатанай алибаа үйлэ хэрэг жаяг заршамтай (дисциплина, порядок), тиимэһээ агнууришье өөрын гуримтай, саг болзортой, хэзээ ямар ан агнахаб гэһэн тодорхой дүримүүдтэй.
Урдань ганса нэгээрээ агнахаһаа гадна хотон айлаараа хамтаржа, үргөөлдэ гарадаг байһаниинь дайша зоной бэлэдхэлэй нэгэ шата байһан. Үргөөлэй агнуури бүри холын хунну, Чингис хаанай үеһөө эрхилэгдэжэ, зэгэтэ аба ба аба хайдаг гээд хоёр ондоогоор нэрлэгдэнэ.
Үргөөл (үргээлшье гэхэ) гэжэ үгэ оршуулхада, «охотничья облава» болоно. Олон ангуушад түхэреэн газар бүһэлөөд, зосоошонь уйтан болго болгоһоор, ангуудые нэгэ газар руу ошохыень баадхадаг байгаа.
(Үргэлжэлэлынь 2-дохи дугаарта уншахада болохо).
Soyol.ru сайтын, «Вконтакте» сүлжээнэй «Охотоведение» бүлэгэй, «Буряад-ород толиин» баримтануудта үндэhэлэн, Оюна ШАГЖАЕВА.
