«Хадаг» гэжэ түбэд үгэ, оршуулхада, «тэнгэри» гэнэ. Бурханда 5 үнгын хадаг үргэхэдөө, дээдэ таладань сэнхир, тиигээд шара, сагаан, улаан ба ногоон үнгэтэй хадагуудые табидаг.
Эгээ ута хадагууд хоёр, мүн гурбан алда, харин нүгөө зариманиинь нэгэ хахад, хоёр аршам (1 аршам – 71 сантиметр) болодог hэн. Иимэ хадагууд дээрэнь урлан оёhон зүйлнүүдтэй байгаа. Тусхайлбал, элдэб бурхад, ехэнхидээ ута наhанай Аюуша бурхан нэхэгдэдэг hэн. Эдэнь ваандан хадагууд гэгдэдэг. Ехэнхидээ шара хадагууд hолонгын элдэб түхеэрэлтэнүүдтэй байдаг, тиин сонном хадаг гэжэ нэрлэгдэдэг. Аршам утатай, мүн тэрээнhээ бага хэмжүүрэй хадагуудта бурхад үгы байбашье, элдэб сэсэгүүд нэхэгдэжэ, эдэнь даша хадагууд гэгдэдэг бэлэй. Пумаажан бүд гэхэ гү, али hамбай хадагууд ямаршье шэмэглэлгүй байгаа.
