Мүнөөдэр ород литээр майн 9, монгол һарын 17.
Хара уһан хулгана үдэр.
Үһэ хайшалхада - шарай муудаха.
Бар, туулай жэлтэй зондо - һайн үдэр.
Нохой, үхэр, луу жэлтэй хүнүүдтэ хуби заяанай һайн үдэр.
Гахай, хулгана жэлтэй зондо - муу үдэр.
Бурхан багшада Маани уншажа, хэһэн буянаа һанажа байхаар үдэр. Ута наһа татаха еһолол хэхэдэ, мал наймаалхада, таряалан дээрэ ажал хэхэдэ, гэртэхи юрын хэрэгтэ - таарамжатай үдэр. Хүнһөө абаһан зүйл болон үрие бусаахада, түмэрөөр нарин дарха хэхэдэ - һайн үдэр.
Муу заяаһа шүтэхэдэ, загаһа барихада - муу үдэр. Муу хойшололго үлөөхэ ябуулга хэхэһээ, хүүгэдые ябажа һургахаһаа - бэеэ барихаар.
Мүнөөдэр хүбүүн түрөө һаа - дунда зэргын хусэ шадал ухаатай байха. Басаган түрөө һаа - үбшэндэ дайруулхаар хүн болохо. бэеыень гамнаха хэрэгтэй.
