Мүнөөдэр ород литээр июлиин 4, монгол һарын 14.
Шара шорой бишэн үдэр.
Үһэ хайшалха - хутагта
Бар,туулай жэлтэй зондо - һайн үдэр.
Үхэр, луу, нохой жэлтэй зондо - хүби заяанай һайн үдэр.
гахай, хулгана жэлтэй зондо - муу үдэр.
Бурхан багшада маани уншажа, үргэл хэжэ, аршаанаар бэеэ сэбэрлэжэ, адисаар бэеэ утажа ябахаар үдэр. ута наһа татаха еһолол бүтээхэдэ, мал наймаалхада, гэртэхи ажалда, үрие бусаахада, түмэрөөр наринаар дарха хэхэдэ, хадамда гараха эхэнэртэ - таарамжатай.
Гол гаталхада, муу заяа тарнидахада, загаһа барихада - муу үдэр. Муу хэлэ ама гаргахаһаа, байгаали бузарлахаһаа, гэр бүлэ һандаргаахаһаа - бэеэ барихаар. Гэрһээ юүмэ гаргажа болохогүй.
Мүнөөдэр хүбүүн түрөө һаа - дунда зэргын хүсэ шадалтай хүн байха. Басаган түрөө һаа үбшэндэ дайруулагдахаар хүн байха. Бэеыень гамнаха хэрэгтэй.
