Буряад соёл, зан заршам, хэлэ дэлгэрүүлхэ гол үүргэтэй эмхиин - буряад соёл хүгжѳѳлгын түбэй мэргэжэлтэн Цырендулма Батомункинатай уулзабабди.
- Цырендулма Цыбиковна, «Душа России» гэһэн Россиин Федерациин Правительствын шан тухай хѳѳрэжэ үгыт.
- 2002 онһоо эхилжэ, «Душа России» гэһэн Россиин Федерациин Правительствын шан барюулагдадаг болоһон. Жэл бүхэндэ Россиин нэрэ солотой, шангуудта хүртэһэн бүхы уран гартан суглардаг. «Народная музыка», «Народное пение», «Народный мастер», «Традиционная народная культура» ба «Народный танец» гэһэн 5 янзаар 15 илагшад шангай лауреадай нэрэ зэргэдэ хүртэнэ бшуу. Цыденжаб Цыбикова «Традиционная народная культура» гэһэн янзада оёһон үндэһэн буряад хубсаһаяа харуулаа. Ёһоороо дээдэ зэргын шанда хүртѳѳ юм.
- Агын тойрогһоо үшѳѳ хэд энэ шанда хүртэһэн байна гээшэб?
- 2013 ондо мүнгэшэ дархан Дарима Чимитдоржиевна Дондоковада Россиин Федерациин Правительствын «Душа России» шангай лауреадай нэрэ зэргэ олгогдоһон байна. Буряад соёл хүгжѳѳлгын түбэй үүсхэлээр уран гартан Намжилма Цыренжаповна Эрдынеева соёл хүгжѳѳлгын һалбарида Президентын грантда хүртэһэн. Тэрэ мүнгѳѳрѳѳ уран бүтээлэй таһалга нээжэ, зониие ажалтай болгоһон. Ага нютагһаамнай аяар гурбан уран гартан иимэ үндэр хэмжээнэй грантда, шангуудта хүртѳѳд байхадань, бидэ омогорхохо ёһотойбди. Эдэмнай буряадай соёлой һалбариин эрхимэй эрхимүүд болоно.
Дэлгэрэнгыгээр 4-дэхи дугаарта.
