Мүнөөдэр ород литээр сентябриин 2, монгол һарын 15.
Шара шорой бишэн үдэр.
Үһэ хайшалхада - муу.
Үхэр, луу, нохой жэлтэй зондо - һайн үдэр.
Гахай, хулгана жэлтэй зондо - хуби заяанай һайн үдэр.
Могой, морин жэлтэй зондо - муу үдэр.
Монгол һарын 15-да Богдо Зонхавын шүтэлгын үдэр. Мэгзэм уншахада - ехэ һайн. Буян хэхэдэ, шажанай еһололнуудые бүтээхэдэ, наймаагай зүйл болболсоруулхада, Гэр бүлэдэ жаргал татаха болон эд зоори нэмэлгын еһололнуудые бүтээхэдэ - таарамжатай. Хүнтэй нүхэсэхэдэ, наймаада - һайн үдэр.
Муу хэлэ ама гаргахаһаа, байгаали бузарлахаһаа, хүндэ хара ажалһаа - бэеэ барихаар. Мал гаргахада - муу.
Мүнөөдэр хүбүүн түрөө һаа - үбшэндэ дайруулагдахаар хүн байха. Бэеыень гамнаха хэрэгтэй. Басаган түрөө һаа - түбшэн сэдьхэлтэй номгон хүн болохо.