Мүнөөдэр ород литээр октябриин 2, монгол һарын 16.
Шара шорой бар үдэр.
Үһэ хайшалха - үбшэндэ.
Могой, морин жэлтэй зондо - һайн үдэр.
Бишэн, тахяа, хонин жэлтэй зондо - хуби заяанай һайн үдэр.
Бар, туулай жэлтэй зондо - муу үдэр.
Бурхан багшын маани уншажа, аршаанаар бэеэ бэбэрлэжэ, адисаар утажа ябахаар үдэр. Модо тарихада, гэрэй һууриин газар шэлэхэдэ, һуури табихада. Хадамда гараха эхэнэртэ - һайн.
Хэлэ ама гаргахаһаа, байгаали бузарлахаһаа, гэр бүлэ һандаргаахаһаа - бэеэ барихаар. Мал гаргахада муу үдэр.
Мүнөөдэр хүбүүн түрөө һаа - хүсэ шадалтай, ута наһатай, баян хүн болохо. Басаган түрөө һаа - байрагүй болон үбшэндэ дайруулхаар хүн байха. Бэеыень гамнаха хэрэгтэй.
ОМ ДЗАМБАЛА ДЗАЛЕНТАЕ СУУХА - гэһэн Янтра Дзамбалын маани уншажа ябахаар.
