Олон врачнууд, медсестранууд, санитарканууд гэр байдалаа, үри хүүгэдээ орхёод, ажалдаа байрлажа, ами наhандань аюултай байдалда хүдэлнэ.
Бүхы больницанууд ба поликлиникэнүүд хизаарлагдаагүй сагтай ажалай гуримда оронхой. Эмшэд олон мянгаад хүнэй гэр байрануудаар ябажа, анализуудые абана, зониие үзэн шалгажа, халдабарита үбшэнтэдые элирүүлхын, дезинфекци хэхын хэмжээнүүдые ябуулна.
Мүн волонтёрнууд эмшэдhээ дортохогүй эрэлхэгээр хүндэ үбшэнтэй тэмсэнэ. Тэдэнэр наhажаал, үбшэн тулюур, эрэмдэг зондо эдеэ хоол, эмүүдые абажа, гэртэнь асардаг.
Республика дотор ажалгүй, олон үхибүүдтэй айл бүлэнүүд илангаяа ехэ хохидолтой байдалда оронхой. Yдэрhөө үдэртэ спонсорнуудай туhаламжын миинтэ эдеэ хоолдо хэрэгтэй зоной тоо олошорно гэжэ онсо тэмдэглэгдэнэ.
