Байгаалиин «үхибүүд»

Сэсэгүүд ба ургамалнууд - байгаалиин «үхибүүд», газар уhанай, hара наранай, агаарай элшэ хүсөөр тэнжэн ургаад, тэрэ элшэ хүсөөрөө хүнүүдтэй хубаалдадаг. Тэрэнэйнь ашаар, нэн түрүүн, хүнэй сэдьхэлэй байдал, саашадаа бэеынь байдал элүүржэдэг ха.

Золототысячник гэhэн үбhэн айран hула абаритай, хэндэшье арсажа шададаггүй хүнүүдтэ туhатай.
Нэгэ хэhэн алдуугаа оло дахин дабтадаг, яашье ухаа ородоггүй хүнүүдтэ «туулайн бөөрэ» (каштан) гэhэн модон ехэ хэрэгтэй.

Өөртөө этигэлээ алдаhан, бэеэ уруу дараhан хүнүүдтэ хайлааhан туhалха аргатай гэдэг.
«Наhанаймни жаргалтай хуби үнгэрөө, бэшэ hайн юумэн ушархаяа болёо» гэhэн hанал бодолтой хүнүүдые жимолость гэжэ бургааhан ба жэмэсынь hайн тээшэнь хубилгадаг.

Эмнэлгэдэ хэрэглэгдэхэ сэсэгүүдые эртэ үглөөгүүр, үүрэй сайха үедэ суглуулха хэрэгтэй. Тиихэдээ гараараа дэльбэнүүдтэнь хүрэнгүй, түргэн хайшалжа абан сасуугаа булагай уhатай шэл амhарта руу хээд, 2-3 сагай туршада наранай элшэ доро байлгадаг.

 

You have no rights to post comments