ТАЛЫН НҮҮДЭЛШЭДЭЙ БОРО АРГА
Урдын зоной хөөрөөгөөр, манай элинсэгүүд элдэб үбшэнгүүдhээ үхэрэй халуун шабааhа, халуун үнэһэ болон хүрэнгэ хэрэглэдэг байhан. Жэшээнь, хүүгэдэй шэхэнэй булаглахада, хара үхэрэй шабааhа нара харуулангүй абаад, бүдөөр орёогоод, шэхэн дээрэнь табяад, шабажа эдэгээдэг байhан.
Шуhанай ехэ даралта буулгахын ба толгойн үбшэнгүүдые эдэгээхын тула долоон хоногой туршада үдэрэй нэгэ дахин толгойнгоо духа талые халуун шабааhаар шабаха. Доронь бүд дэбдихэ. Yхэрэй hая гаргаhан халуун шабааhа хүрэтэрнь баряад байдаг.
Даараhанай хоолой ханяаданай үбшэнгүүдые аргалхадаа, hая унтарhан пеэшэнэй халуун үнэhөөр хүлэйнгөө улануудые жэгнэжэ эдэгээдэг. Мүн лэ халуун үнэhөөр үбшэн, хабдаhан үе мүсэнүүдые шабажа жэгнэхэ.
Таба - зургаа hарын туршада үдэрэй хоёр стакан тарагай хүрэнгэ уубал, хүнэй бэеын бүхы органууд элүүржэн шангардаг. Япониин эрдэмтэдэй шэнжэлэлгээр, үдэр бүри хүрэнгэ уудаг хүнэй наhан 10 жэлээр утададаг
