1. Нюдөө бүглэхэ. Тохоногоо шэрээ дээрэ табин, нюдөө гараараа хаажа, зөөлэхэнөөр дараха. Энэ упражнени хэдэн минутын туршада хэжэ болохо.
2. Иишэ тиишэнь хүдэлгэхэ. Иимэ упражнени үдэрэй гурба дахин, һуугаад, зогсоодшье хэхэдэ болохо. Толгойгоо хүдэлгэнгүй, нюдөө ээлжэлүүлээд, зүүн, баруун тээшээ хараха. Тиихэдээ 1-2 минутын туршада нэгэ юумэн руу гэтээд байха ёһотой.
3. Нюдөө дээшэнь, доошонь хүдэлгэхэ. Энэ упражнени үдэрэй гурба дахин табан удаа хэхэ хэрэгтэй. Һуугаад, зогсоодшье хэхэдэ болохо. Нюдэеэ түрүүн доошонь болгоод, hүүлээрнь дээшээ харахадаа, нэгэ юумэ руу гэтээд байха.
4. Нюдөө һөөлжүүгээр (наискосок, по диагонали) хүдэлгэхэ. Толгойгоо сэхэ байлгаха. Нюдөөрөө доошоо хараһан шэгтээ зүүн тээшэнь болгоод, дээшээ харахадаа, баруун тээшэнь хүдэлгэхэ. Хаража байһан юумэн руугаа нэгэ хэды гэтээд байха. Тус упражнени үдэр соо гурба дахин 5 удаа хэхэдэ болохо.
5. Нюдөө тойруулжа хараха. Һуугаад, һайнаар амяа татаад байха. Тиигээд зүүн тээшээ хараха. Һүүлээрнь нюдэеэ 5 дахин нара зүб, удаань нара буруу тойруулжа хараха. Үдэрэй гурба дахин хэхэ хэрэгтэй.
6. Холын, дүтын юумэ хараха. Нюдэнhөө 20-30 см зайда байһан ямар нэгэн юумэ руу хараха. Һүүлээрнь хараада багтаһан холын юумэнүүдые бултыень хараха гэжэ оролдохо. Энэ упражнени үдэрэй гурба дахин 5 удаа хэхэнь шухала.
7. Нидхэ руугаа хараха. Нюргаяа ба толгойгоо сэхэлжэ һууха. Хоёр нюдөө хилайлган, дээшэнь нидхэ руугаа шэглүүлжэ хараха. Тэрэ зандаа нэгэ юумэн руу нэгэ хэды секунда хараад байха. Һүүлээрнь сэхэ хараха. Энэ упражнени үдэрэй гурба дахин 5 удаа хэхэ хэрэгтэй.
8. Нюдөө аниха. Нюдөө 2-3 секундын туршада аняад байха. Һүүлээрнь нюдөө нээхэ. Энэ упражнени үдэрэй 10 дахин хэхэ.
9. Нюдөө нидхэрхэ. Нюдөө аняад, долёобор ба дунда хургануудаараа нара зүб нидхэрхэ. Энэ упражнени үдэрэй 10 дахин хэхэдэ болоно.
Цымжидма ДОЛГОРОВА.
