Намар бидэ морхооб суглуулхадаа, эшыень хаяжархидагбди. Зүгѳѳр олондо мэдээсэл тараадаг зарим хэрэгсэлнүүд соо бэеын энхэ элүүртэ морхообой эшын туһатайнь тэмдэглэгдэдэг байна.
Жэшээнь, Шэтэ хотодо гарадаг «Подворье» һониной мэдээсэһээр, морхообой эшэ хатаагаад, бусалһан уһанда эдеэшүүлээд уужа байбал, щитовидна булшархайн үбшэнһѳѳ һэргылхэ арга болоно.
Зүгѳѳр 7dach.ru сайт соо хатааһан гү, али һая суглуулһан эшэ хэршэхэ хэрэгтэй гэжэ бэшээтэй. 2-3 сайн халбага хэршээтэй эшэнүүдые 250 мл бусалһан уһанда эдеэшүүлээд, уһыень шүүхэ. Тиигээд зүгын балтай холижо худхаад, эдеэ хоол барихынгаа забһарта сайн орондо уухада, хотын үбшэндэ туһатай. Эмнэлгын болзор - 2-4 долоон хоног.
Мүн морхообой эшэ шуһанай даралтын (гипертония), суухын (цистит) болон бэшэшье үбшэнгүүдтэй зондо туһатай ха.
Долгор РАДНАБАЗАРОВА.
