Нарайлhан эхэнэрэй хүхэнэй хабдахада гү, али hү багатай байбал, мүн лэ баабгайн hабараар эльбэжэ эдэгээдэг урдын гурим бии.
Һая түрэhэн үнеэнэй хүхэнэй хабдахада, баабгайн hабараар дээрэhээ доошонь гурба дахин эльбэхэ үедөө: «Аргалыш, хабдарыень hалгыш, газар дэлхэй, үбшыень шэнгээн абыш!» - гэжэ шэбшэдэг.
Урдын сагhаа баабгайн hабарhаа гадуур тэрэнэй hоёонууд ба хюмhан үбшэ зоболонhоо, гарза үгырэлhөө аршалжа, амгалан тайбаниие, зол жаргал, баялиг татадаг хүсэтэй hахюуhан гээд шүтэгдэдэг.
Манай элинсэгүүдэй заншалаар, тусхай бүтээлэй үедэ баабгайн арhа амандаа зуугаад гү, али гэбэл жажалаад залгин байжа үгтэhэн шахаа тангариг гээшэ нангин үйлэнүүдэй тоодо заабол сахигдаха ёhотой. Yгы гэбэл тэрэ хүн шанга хэhээлтэдэ орожо магадгүй.
Баабгайн хохимой яhа урдын буряадууд гэр дээрээ гү, али гэрэйнгээ үүдэндэ дүтэ үлгэдэг байhан. Тэрэнь бууса байрые ада баршадhаа хамгаалха үүргэтэй hэн ха.
Yшөө баабгайн дүрсэтэй наадхуур эрхим hахюуhан болоно гэдэг байгаа, урдань зарим айлнууд нялха үхибүүнэйнгээ үлгы дээрэ тиимэ нааданхайнуудые үлгөөд байдаг байhан.
Баярма БАТОРОВА.
