Хабартаа нюураа нарин нягтаар ажаллахаар болодог. Үбэлэй хүйтэнэй һүүлээр нюурайнгаа арһа хуушан түхэлдэнь оруулхын, элүүр ба сэбэр болгохын түлөө хэхээр юрын туһатай зүбшэлнүүдые дурадхахамнай.
Шиигтүүлгэ
Хүйтэн һалхитай үбэлэй һүүлээр арһанда шиигтүүлгэ хэрэгтэй. Энэ хадаа шиигтүүлдэг һайн крем, лосьон гү, али кокосово тоһо хэрэглэлгэ болоно. Уралдаа шиигтүүлдэг бальзам түрхихэ, Е витаминтай һаань, бүри һайн.
Масканууд
Хабар арһанда тэжээл дуталдадаг, тиимэһээ долоон хоногой туршада адагынь 1-2 дахин маска хэжэ байхыетнай дурадханабди. Болзор соонь таһалгаряагүйгѳѳр маска хэрэглэхэдэ, сухигар сагаан, жэгдэ бэшэ боролиг үнгэтэй болоһон арһанда туһалдаг.
Лимонтой уһан
Хитад аргаар, үдэр бүри лимонтой халуун уһа уухада, эршэ шадал оруулдаг ба бэе сооһоо токсинуудые гаргадаг – эльгэнһээ болон һүлһэнһөөшье.
Витаминууд
Хабартаа витаминай дутагдал ганса бэеын байдалда нүлөөлдэг бэшэ, эсэхын болоод сэдьхэлэй муу байдалай шалтаг боложо, нюурай арһанда харагдадаг шуу. Витамин ехэтэй хоол, фруктнуудые, саладуудые эдигты. Витаминай дуталдаа һаа, микроэлементнүүдтэй олон янзын витаминай комплекс туһалдаг. Витамин А 3-4 долоон хоногой туршада хэрэглэхээр.
Бүхэ нойр
Илангаяа хабарай сагта үргэһэндөө садахань шухала. Тон багань 7 сагай, аргатай һаа 7-9 сагай нойр бэе соо кислородой эгээл тааруу зохид хэмжээ баридаг, тиимэһээ арһанай байдалда һайнаар нүлөөлдэг.
