Хүршэ Ононой аймагай түлѳѳлэгшэд Хойто-Ага һууринда нүүдэл маягаар үнгэргэгдэһэн Агын тойрогой Түлѳѳлэгшэдэй суглаанай ээлжээтэ зүблѳѳндэ хабаадалсаһан байна.
Зүлѳѳндэхүдѳѳ ажахын байдал ба хүгжэлтынь замууд тухай гол асуудал харагдаа бэлэй. Мүнѳѳнэй бэлэгүй сагта Агын аймагай хүдѳѳ ажахынхид хэр ажаһуунаб гэжэ харахаяа, хүндүүлхэй асуудалнуудаа яагаад шиидхэнэб гэжэ танилсахаяа Ононой аймагай захиргаанай толгойлогшо Ятур Танхаев болон хүдѳѳ ажахын таһагайнь түлѳѳлэгшэ, «Новозоринское» ба «Кулусутайское» хүдѳѳ һуурингуудай захиргаануудай толгойлогшонор зорижо ерэһэн байна. Бидэ Ононой аймагай хүдѳѳ ажахын байдал тухай Ятур Танхаевтай хѳѳрэлдѳѳ эмхидхэбэбди.
- Ятур Владимирович, Ононой аймаг үүлтэртэ малаараа суурхадаг гээшэ. Мүнѳѳ аймагайхин хэды толгой малтай, хэр зэргэ ажаһуунаб?
- Аймагаймнай экономикын гол шэглэл хүдѳѳ ажахы ха юм даа. Бүхыдѳѳ аймаг доторнай 36 мянган эбэртэ бодо мал, 56 мянга шахуу хонин, 6-7 мянган адуун тоологдоно. Ажаһуугшадаймнай 95 хубинь үмсын хамһабариин ажахы баридаг. Аймагаймнай 4 хамтын ажахын 3-иинь үүлтэртэ шэглэлэй юм. “Красная Ималка” сельхозкооператив хальмаг үүлтэрэй эбэртэ бодо мал үсхэбэрилдэг үүлтэртэ заводой зэргэтэй юм. Энэл ажахымнай эдильбаевска үүлтэрэй хонидой племрепродуктор болодог. Хулһата һууринай базова ажахы “Рассвет” СПК 3 үүлтэрэй мал: забайкалиин нарин нооһото хонидые, монгол үүлтэрэй тэмээ болон забайкалиин үүлтэрэй адуу үсхэбэрилнэ. Тиихэдэ энэ ажахы 4-дэхи шэглэлэйнгээ үүлтэртэ мал - хальмаг эбэртэ бодо мал үдхэхэ талаар ажаябуулга эхилэнхэй. Большевик һууринай Калининай нэрэмжэтэ ажахы ангорско үүлтэрэй ямаадые үсхэбэрилгын ажахын зэргэтэй зиндаатай байһан аад, мүнѳѳ тэрэ зиндаагаа алдаһан. Үүлтэртэ ямаадаа худалдаа, юундэб гэхэдэ, тэдэниие тэжээхэнь олзогүй, ангорско нооһон меринос нооһонһоо үнэгүй болоһон. Тиигэбэшье энэ ажахы үүлтэртэ зандаа – хальмаг үүлтэрэй үхэр мал үдхэнэ.
Дэлгэрэнгыгээр 51-дэхи дугаарта.
