Тиигэжэ Агын аймагай Шулуутай нютагай «Соло» бүлгэм забайкалиин нарин нооһото үүлтэрэй хони, харин Могойтын аймагай «Үүлтэртэ завод - Ушарбай» гэһэн үйлэдбэриин кооператив сагаан толгойто казах үүлтэрэй бодо мал үсхэбэрилхэ репродукторнууд болобо. Агын Буряадай тойрогой Захиргаанай агропромышленна комплексын таһагай дарга Жаргалма Жаргаловагай хэлэһээр, табан жэлэй удаа бүхы үүлтэртэ ажахынууд зэргэеэ баталха ёһотой. Ажахынууд малайнгаа үүлтэр һайжаруулха зорилготойгоор ажал ябуулна, үсхэбэрилһэн малаа үүлтэртэ ажахынуудта тушаана, худалдана.
2020 оной майн 1-эй баримтануудаар, Агын Буряадай тойрогой 17 үүлтэртэ ажахы мал арьбажуулна.
