Байгша оной июниин 1-эй байдалаар, аймагай хүдөө ажахынуудта 4508 толгой эбэртэ бодо мал, тэрэ тоодо 1939 үнеэн тоологдоно. Тиихэдэ 45546 хонин, тэрэнэй 20491-иинь - эхэ хонин, 3191 адуун һүрэг үсхэбэрилэгдэнэ. Мүнөө хабар 586 тугал, 374 унаган абтаа. Малай үбэлжэлгэ бараг үнгэрөө. Мал дээрэ гарза хоролто үгы. Мүн 20087 хурьган, тэрэнэй 15559-иинь хамтын ажахынуудаар абтаа. Аймагай 23 хонишод зуутанай тоодо ороһон байна. «Согто-Хангил» ажахыда олон хонишод зууһаа зуу гаран хурьга абаа бшуу. Тус ажахын ахалагша хонишон Батор Цыбенжапов зууһаа 106 хурьга абажа, аймагай абарга болоо. Фермернүүдэй хоорондо Хүнхэрэй Дашидондок Алексеев зууһаа - 118, Согто-Хангилай Баир Дондоков зууһаа 115 хурьга абажа шадаа.

You have no rights to post comments