2020 оной июлиин 10-ай байдалаар, тойрог дотор 85741 толгой хонин хайшалагдажа, дүн хамта 229503 килограмм нооһон абтаа. Тиигэжэ хонин бүриһөө 2700 грамм нооһон хайшалагдаба. Нооһо хайшалалгын эхиндэ 101622 толгой хонинһоо 293693 килограмм нооһон абтахаар хараалагдаа бэлэй. «Победа» СПК, «Ушарбай» СПК ПЗ, Ленинэй нэрэмжэтэ СПК, «Сагаан-Уула» АК, «Гэрэл» ООО, «Дружба» АК, «Родина» СПК ПЗ,«Улаан-Одон» АК, «Шандали» СПК, «Хүһөөшэ» АК, «Балжана» АК г.м.ажахынууд нооһо хайшалалгын түсэбүүдээ дүүргээд байна. «Хура бороо нооһо хайшалалгын ябасада халта һаад ушаруулба. Хүнхэр ошоходомнай, тобироор ондо ороһон мал гэжэ харахаар, хонинойнь нооһон зунгагтай, һайн, 4 килограммһаа үлүү боломоор байна. Хүдөөгэйхидэй хайшалһан нооһо Агын «Руно» ООО ба Хакасиин «Черногорско ПОШ» эмхи худалдажа абана. Тиихэдээ «Руно» эмхидэ 1 килограмм нарин нооһон – 60, хахад нарин (полутонка) нооһон – 30, шэрүүн нооһон 15 түхэригтэ болоно. Хакасиинхид 1 килограмм нарин нооһо 65 түхэригөөр абана», - гэжэ Агын тойрогой АПК-гай консультант Н.Цыремпилов тэмдэглээ бшуу.

You have no rights to post comments