Дулдаргын аймагай «Үзөөн» ажахын мэдэлэй байhан олон буусануудта фермернүүд, үмсын хамhабариин ажахынууд олзын хэрэг эрхилжэ, табан хушуута мал үсхэбэрилнэ.
Раднаевтанай хуряаһан баян ургаса.
Үзөөн нютагай Дарима Баторовна Раднаева гэр бүлөөрөө фермерскэ ажахы байгуулһан юм. Фермер болохынгоо урда тээ хүдөөдэ арбан жэл мал үсхэбэрилжэ ажаһуугаа. Ажалша бүлын хүүгэд хүдөө буусада ажал хэжэ дүршэһэн, ама тоhодохо олон малтай болоhон хойноо таряашанай-фермерскэ ажахы болохо гэжэ шиидээ бэлэй. Дарима Баторовна фермер болохо саарhа дансануудаа бэлдэжэ эхилээ. Тиин 2014 оной намар «таряашанай-фермерскэ ажахы» гэһэн нэрэ зэргэтэй боложо, ажалаа үргэнөөр ябуулна.
Мүнөө Дарима Баторовна фермерэй байдал тушаа иигэжэ хөөрэнэ: «Фермер нэрэ зэргэтэй болохонь бэлэншье hаа, үнэн дээрээ тэрэнэй нэрыень даагаад ябаха гээшэ мүнөөнэй сагта бэлэн бэшэ. Хүдөөгэй бэлэн бэшэ ажал өөһэдынгөө хүсөөр бүтээдэг һэмди. Түрүүшын жэлнүүдтэ хүндэхэн байгаа. Мүнөө засаг зургаанай дэмжэлтын аша туһаар ажалнай оньһожоруулагдамал болонхой бшуу».
Дэлгэрэнгыгээр 6-дахи дугаарта.
