Агын аймагай Калининай нэрэмжэтэ үүлтэртэ ажахын хонишод энэ хабар түсэбтөө хүрэмэ түл абаба.
Б.Базарсадаев.
Тус ажахын хонишодой гурбан буусада түл абтаа. Батор ба Надежда Базарсадаевтанай бүлэ эгээл түрүүн сакманаа дүүргэжэ, эмнеэгээ хэһэн байна. Дүршэлтэй хонишоной бүлэ 12 жэлэй туршада түрэл ажахынгаа забайкалиин нарин нооһото үүлтэрэй хонидые харууһалжа, он бүри олошоруулжа, арьбажуулжа ябана бшуу. Батор Базарсадаев залу наһанһаа угсаата арадайнгаа мал үсхэбэрилхэ нангин хэрэг эрхилжэ, хони мал ажаллаха баян дүршэлтэй болонхой. Түрүү хонишон нүхэртэеэ аба эжынгээ наһаараа түбхинэн ажаһууһан «Сахюуртын ара» гэжэ буусада байра байдалаа түхеэрһэн юм. Абань Владимир Базарсадаев нютагтаа, аймагтаа хүндэтэй малшан ябаһан. Базарсадаевтанай бүлэ дааша дээрээ 400 гаран толгой эхэ хони харууһална. Хонидынь мартын тэнгээр түрэжэ эхилээ һэн. Тиин арба гаран хоногой туршада хонидынь түрэжэ, шэнэ түл үгэбэ. Малшадай тэмдэглэһээр, зуун эхэ хонинһоо зуун гурбан хурьга дунда зэргээр абаһан байба. Отара соонь хүгшэн, залуушье хонид бии. Хүгшэн хонидынь табадахи, зургаадахи жэлээ түрэһэн байна.
Дэлгэрэнгыгээр 21-дэхи дугаарта.
