Дулаасуулгын хаһа бараг хэмжээндэ үнгэрөө
Хабарай һүүлшын һара һалхитай байбашье, үдэртөө дулаан, зунайхидал халуун үдэрнүүд тогтоо. Табан хоногой туршада агаарай температурын арбан градусһаа дээшэ байхадань, олон квартирна гэр байранууд намар болотор дулаагаар хангагдахаяа болёо һэн. Майн 25-һаа хойшо һургуули, хүүгэдэй сэсэрлиг, больница г.м. социальна байшанууд түлигдэхэеэ болиһон. Тиигэжэ котельнинүүд сентябрь болотор хара утаа бушхуулхаяа болибо гээшэ. Кочегарнууд заһабарилгын хүдэлмэринүүдэй эхилтэр амаралтада гаража эхилбэ.
Зундаа заһабарилгын хүдэлмэринүүд хүлеэнэ
Үнгэрэгшэ дулаасуулгын хаһада тойрогой гэр байрын болон коммунальна ажахынууд һаатангүй, дулаагаар таһалгаряагүй хангагдажа байгаа. Дулаан үбэл тудажа, котельнинүүд түлишэ ехээр галдаагүй. ЖКХ-гай һалбариин мэргэжэлтэдэй тайлбарилһаар, бага сага аварийна байдал гарабашье, дары усадхагдадаг байгаа. Дулаасуулгын ээлжээтэ хаһын түгэсэхэдэ, ЖКХ-нуудай һалбариин мэргэжэлтэд тээсгэн сугларжа, дүнгүүдээ согсолжо, зунай сагай заhабарилгын хүдэлмэринүүдэй түсэбүүдые тодорхойлоо. Байгша ондо тойрогой хүдөө нютагуудай олон котельнинүүдтэ заhабарилгын хүдэлмэринүүд ябуулагдахаар түсэблэгдэнэ. Тодорхойлходо, Агын аймагай захиргаанай толгойлогшын 1-дэхи орлогшо Баир Арсаланов түрүүтэй бүлэг мэргэжэлтэд хүдөө нютагуудаар шалгалта ябуулжа, соргонуудые хаража, хаагуурнь заhабарилха хэрэгтэйб гэжэ элирүүлээ бшуу.
(Үргэлжэлэлынь 25-дахи дугаарта).
Эрдэни ЧИМИТДОРЖИЕВ.
