Будалан hууринhаа баруун тээшээ 9 модоной зайда яб-таб байса түбхинэhэн бууса хүрэжэ ерэхээр. Хонин Булам гэжэ нэрэтэй газарта оршодог буусада малшад Доржо ба Дулма Жадамбаевтан түрэл ажахынгаа 300 гаран эхэ хони арьбадхана.
Түрүү хонишоной хонин ажалда ороhоор, 29 жэл үнгэрѳѳ. Анхан энэ буусада аба эжынь мал харадаг байһан. Доржо аба эжынгээ амаралтада гарахада, хүдөөдэ малда орожо, наһанайнь хэрэг үргэлжэлүүлнэ. Жадамбаевтан хониндо ороhон түрүүшын жэлhээ ажахынгаа эхэ хонидые үсхэбэрилжэ, жэл бүри эрхим түл абажа, магтаалтай ажалладаг гээшэ.
