Эдэ зон Монголhоо уг залган ерэhэн дагаанхан модошо омогто ородог. Анхан элинсэг абань Бадмын Дансаранай Максар гээшэ Амгаланай адаг багаар ажаhууhан. Агаалай омогой Шэмэдэй Гэнинтэй ганзагаяа нэгэдэжэ, гал гуламтаяа тахиhан, 1903 ондо Чимитсэрэн хүбүүтэй болоhон. Хүбүүнэйнгээ арбаадтайда эхэнь үлбэртэжэ гээгдэхэдэнь, хойто эхые дахажа, Норжимо дүүтэй болоhон ха. Максар гээшэ үгэ хэлэндэ бэрхэ, улаан хэлэтые урдаа оруулдаггүй хүн байгаа. Чимитсэрэн Намдагай Хорлотой hаналаа нэгэдэжэ, гансаhаа газар дүүрэхэ гэдэгые сүм бэелүүлhэн юм. Олохон үхибүүдэй тоонто тайhан лэ ха. Залуу бүлэдэ удаа дараа Базаргуро, Дулмажаб, Болот, Чимитрэгзэн ба Бизья үринэр түрэhэн. Бага басагаяа түрэл айлдаа тэлижэ үгэhэн, буянта хэрэг бүтээhэн айл юм. Эдэнэрэй бага балшар, залуу хонгор, шиираг наhан СССР гүрэнэй урган хүгжэhэн, дайн дажарай, улаан сагаантанай хёмороон, колхозой тогтонижоhон саг, асари ехэ барилганууд, дайраад алхиhан хэрэг үйлэнүүд... Амин голоороо, улаан гараараа, нюрга hээрээрээ үзэжэ, хабаадажа, диилэжэ гараhан зон юм. Олоной эсэгэ Чимитсэрэн 1946 ондо 43-тайдаа гээгдэhэн ха. Эжын туhалагша 21 наhатай Базаргуро гээд доошоо бэшэниинь багашагаар үншэрэн үлэhэн байна. Нилээд халуун шулуу долёобошье, үлдэхэ, дутахые үзэбэшье, бултал өөрын хубитай, айл аймагууд боложо тараhан юм. Энэ сагаа ехэ басаган Дулмажабынь, 12 хүүгэдэй эжы иигэжэ hанан бэшэhэн: «гаолян талханай лепёшко эдеэд, гажаржа, уйдажа ябаагүйбди…». 1937 оной Болот Максарович - малай аргашан, Чимитрэгзэн - олоной эжы, малшан болоhон. Үргэлжэлынь "Толон " һониной №17 дугаарта.

You have no rights to post comments