Нютагайнгаа ажаһуугшадта буряад хэлэтэ «Толон» һонин олоор захюулхые оролдодог зон тухай зураглалнууд үргэлжэлһѳѳр. Энэ удаа Будаханда Цыбеновна Цыбеноватай уншагшадаа танилсуулхамнай.
Хѳѳрэлдѳѳнэйнгѳѳ үедэ жаран найман наһаяа угтахаяа байһан Будаханда эгэшэ «ѳѳрѳѳ би «Толон» газетэ үнинэй абажа уншадагби, газетэеэ хүлеэжэ ядахаш. Уншахада, һонин газетэ гээшэ бэд даа» гэжэ хѳѳрѳѳ. Тиимэһээл үшѳѳ олон хүн «Толон» газетэ уншадаг болоһой, хэн шэнэ хүн захиха хаб даа» гэжэ һанажа, һонирхожо байдагаа мэдүүлнэ һэн. Валентина басаганайнгаа «Толон» газетын редакцида сурбалжалагшаар ороходо, Будаханда Цыбеновна нютагтаа захил тарааха хэрэгтэ туһа хүргэхэ гэжэ шиидээ. «Зүдхэлиинхид «Толон» уншаха дуратай, патриодууд юм. Уншагшадай олонхинь дунда ба ахамар наһанай зон, гэбэшье захиха дуратай залуушье айлнууд байха. Хүлни үбдэдэг лэ даа, тиимэһээ мүнѳѳ жэл захил хүүлэхэеэ болёо һаа гэжэ һанаһамни, зон захил хэел даа гэлдэнэ. Тиихэдэнь үшѳѳ нэгэ жэл туйлахам гэжэ бодобоб. Энэ хүндэш ажал бэшэ, буянтай ажал. Хүл һайтай һаа, гүйжэл ябахаар», - гэжэ тэрэ хѳѳрѳѳгѳѳ үргэлжэлүүлбэ.
Дэлгэрэнгыгээр 50-дахи дугаарта.
