Буряад ороной Арадай хуралай депутат, ниитэ ажал ябуулагша, олзын хэрэг эрхилэгшэ Матвей Александрович Баданов ажал хэрэгэйнгээ асуудалаар, мүн амархаяашье Ага нютаг ябантуу байдаг.
Матвей Баданов тээсгэн Агада үнгэргэгдэһэн Бадма Цыреновэй мүнхэ дурасхаалда зорюулагдаһан дүрэ буляалдаата барилдаагаар мүрысөөндэ хүндэтэ айлшаар уригдаһан байгаа. Тус мүрысөөндэ өөрын зүгһөө зуугаад мянган түхэриг һомолжо, тэдхэгшэ болоо һэн. Залуу наһандаа хибэс дээрэ амжалтатайгаар барилдаһаншье байна. Сүлөөгүй ажалайнгаа хажуугаар забһар оложо, барилдаанай мүрысөөнүүдые хараха дуратай. Түрэл Буряад орондоо мэдээжэ, хүндэтэй хүн юм.
Энэ зураглалай герой Эрхүүгэй можын Оһын аймагта 1961 ондо түрэһэн намтартай. Бага байхадань, аба эжынь Буряад ороной Хурумхаанай аймаг зөөжэ ерэһэн байна. Абань нютаг нугадаа хүндэтэй барилгашан байһан. Хурумхаан ерэхэдээ, абань Матвей хүбүүгээ дахуулжа, барилдаанда һожортой болгохоёо секцидэ үгөө һэн ха. Матвей хүбүүн багадаа бэеэр жаахан, хүнгэн шэгнүүртэ өөрһөө бага үхибүүдээр һорилго хэдэг байгаа. Һургуулиин һүүлээр Улаан-Үдэ ерэхэдээ, талаан бэлигтэй Валерий Сыдеев һоригшодо заалгажа, эрхим дүнгүүдые туйлажа захалаа. Буряадай гүрэнэй багшанарай дээдэ һургуулида физикэ ба тоо бодолгын багшын мэргэжэлдэ һураһан юм. Оюутан ябахадаашье барилдаа. Нэгэтэ мүрысөөндэ барилдажа байһаар, бэеэ гэмтэжэ, барилдаагаа орхихо баатай болоһон.
Дэлгэрэнгыгээр 51-дэхи дугаарта.
