Зүүн Үндэр Баруун Үндэр хоёройнгоо нангин харууһан доро нэмжыгшэ Шандали һайхан тоонто нютагтаа Намжилма Цыреновна 5 үри хүүгэдэйнгээ, 20 гаран аша зээнэрэйнгээ дулаахан дүхэриг соо ан-бун ажаһууна. Багшын буянта хэрэгтэ бүхэли наһаяа зорюулаа, аяар 44 жэлэй туршада бүхы сэдьхэлэйнгээ дулаа хүүгэдтэ үгэжэ, ажалай габьяа харуулһан.
Намжилма Цыреновна Шандалиин дунда һургуулида 1968 ондо ахалагша пионервожатаар орожо, ажалайнгаа намтар эхилһэн юм. 21 жэлэй туршада пионерэй хүдэлөөндэ бэеэ зорюулаа. Амжалтатайгаар хүдэлһэнэй түлөө 1972 ондо РСФСР-эй Гэгээрэлэй яаманай Хүндэлэлэй грамотаар шагнагдаа, энэл жэлдээ – «Методист-вожата», 1976 ондо – «РСФСР-эй арадай гэгээрэлэй эрхим», 1982 ондо «СССР-эй гэгээрэлэй эрхим» гэһэн нэрэ зэргэнүүдтэ хүртэһэн габьяатай.
(Үргэлжэлэлынь 2-дохи дугаарта уншахада болохо).
Намжилма ЦЫДЕНОВА.
