Ага тосхоной наhатайшуулай зүблэл (түрүүлэгшэнь - Баир Бадмаев) «Активная старость» гэhэн социальна түбэй байшанай нээлгэ ноябриин 26-да эмхидхэhэн байна.
Энэ баяр ёhололдо Эсэгын дайнда хабаадагшад - Самбу Базаров, Иван Жугдуров, ара талын ажалай ветеран Цыбендоржи Чимитов, Агын тойрогой, аймагай наhатайшуулай зүблэлэй түрүүлэгшэнэр: Цырендаши Санданов, Валерий Цыцыков, ажалай ветеран Дондок Дашиянжипов ба бэшэн хабаадаа. Агын дасанай Бальжаев Бата лама түрүүтэй лама санаартан уншалга бүтээгээ. Ага тосхоной аман зохёолой бүлгэмэй гэшүүд: ажалай ветеранууд Владимир Пурбуев, Баясхалан Гончикжапов ба бэшэн арадай дуунуудые зэдэлүүлһэн байна.
Цырендаши Цыбенович иигэжэ хөөрөө: «Эндэ наhатайшуул сугларжа, сүлөө сагаа аша үрэтэйгөөр үнгэргэхэ аргатай болобо. Элдэб уулзалга, уран һайханай, элүүржүүлгын мүрысөөн үнгэргэгдэхэ. «Ага тосхон» хотын тойрогой захиргаан байшан гэр оложо үгөө, зайн галай, түлеэнэй гаршыень дааха. Агын тойрогой Ветерануудай зүблэл конкурсдо хабаадажа, олоhон 110000 түхэриг мүнгэеэ түбэй байгуулгада, гэрэй бараа, тамирай хэрэгсэлнүүдые абалгада гаргашалаа. Наhатайшуулые ударидагша Баир Жамсарановичай аша оролдолго тэмдэглэхээр байна».
Дэлгэрэнгыгээр 49-дэхи дугаарта.
