Мүрысөөндэ эгээл эдэбхитэйгээр Дулдаргын аймагайхид хабаадаа гэжэ тэмдэглэе, тэдэнэр аяар табан можо табиһан байна.
Мүрысөөнэй үедэ.
«Няһалалгаар» эрэшүүлэй дунда түрүүшын һуури Дулдаргын 1-дэхи можын Цыдыпов Дамдин эзэлээ, хоёрдохи - Агын 1-дэхи можын Мункуев Аюша, гурбадахи Дулдаргын 3-дахи можын Цыбенов Дашинима болоо. Эхэнэрнүүдэй дунда Дулдаргын 4-дэхи можын Дулмаева Чимита түрүүлээ. Сагаан-Шулуутайн Содномова Туяна - хоёрдохи, Үзөөнэйн Тобоева Роза гурбадахи һуурида гараа.
«Шүүрэлгээр» бүһэтэйшүүлэй дунда түрүүшын һуурида Дулдаргын 2-дохи можын Цыденжапов Батор гараа. Дулдаргын 4-дэхи можын Намсараев Бато хоёрдохи, Ага тосхоной Балданов Базар гурбадахи болоо. Эхэнэрнүүдэй дунда түрүүшын һуурида Сагаан-Шулуутайн можын Бадараева Чимита гараа. Дулдаргын 1-дэхи можын Дашинимаева Наталья - хоёрдохи, Дулдаргын 4-дэхи можын Батомункуева Цындыма гурбадахи һуури эзэлээ.
Мори урилдаагаар Дулдаргын 5-дахи можын Балдандоржиева Буди-Ханда түрүүлээ, Дулдаргын 4-дэхи можын Матхеева Цырендулма хоёрдохи, Ага тосхоной можын Цыбенова Сэсэгма гурбадахи болоһон байна.
Шагай нааданай абаргын нэрэ солодо Дулдаргын 1-дэхи можын Цыденжапов Батор хүртөө. Энэ мүрысөөнэй хоёрдохи һуурида Ага-Хангилай можын Балданов Базар гараа. Гурбадахи Дулдаргын 1-дэхи можын Цыбенов Дашинима - болоо.
Можонуудай дунда түрүүшын һуури Дулдаргын 4-дэхи можо эзэлээ. Хоёрдохи һуурида - Сагаан-Шулуутайн можо, гурбадахида - Дулдаргын 5-дахи можо гараһан байна.
Хоёрдохи үдэрынь болоһон гэр бүлэнэрэй хоорондохи мүрысөөнэй дүнгүүд:
«Няhалалгаар» эхэнэрнүүдэй дунда Һүдэнтын Жаргалова Жаргалма эрхимлээ, удаадахи һууринуудые Амидхаашын Жалсапова Бутит-Ханда болон Дулдаргын Цыденжапова Светлана эзэлээ.
«Шүүрэлгээр» бүһэтэйшүүл мүрысэжэ, ганса дулдаргынхид - Цыденжапов Батор, Цыдыпов Дамдин, Цыбенов Дашинима тус тустаа 1-3-дахи һууринуудта гараа.
«Мори урилдаан» хүүгэдэй дунда эмхидхэгдэжэ, түрүүшын һуурида 13-тай Мункуев Аюша (Ага) гараа, 6-тай Цыденжапов Юмжэн (Дулдарга) ба 10-тай Дашицыренова Дари (Амидхааша) шангай һууринуудые эзэлээ.
Болот БАТОЖАРГАЛОВ.
