Үбэр Байгалай хизаарай дэбисхэр дээрэ оршодог ТОС-уудай 150 түлэблэл конкурсдо эльгээгдэhэн байна. Эрхим сэгнэлтэнүүдые Могойтын, Агын, Красночикойн, Нэршүүгэй-Заводой, Петровск-Забайкальскын аймагуудай, Шэтэ хотын гэхэ мэтэ ТОС-ууд абаа. Үбэр Байгалай хизаарай дэбисхэр дээрэ 281 ТОС ажал ябуулна, тэдэнэй 4-иинь юридическэ нюурнууд болоhон гээшэ.
   Конкурсын дүнгөөр: «Здоровое Забайкалье» янзада Ага-Хангил hууринай «Илалта» ТОС (түрүүлэгшэнь - Цырегма Балданова), «Туяа» ТОС (түрүүлэгшэнь - Жаргалма Нимаева), Хара-Шэбэрэй «Южный» ТОС (Соёлма Черных) тус тустаа 50000 түхэригэй шанда хүртөө.
   «Зелёный дворик» янзада – Хүhөөшын «Онон» ТОС (Пурбо Жамсаранов) 49160 түхэриг шан абаа.
   «Преемственность поколений» янзада Бурятская станциин «Бурятская» ТОС (Надежда Демкова) – 100000, Сагаан-Уулын «Северный микрорайон» ТОС (Светлана Дондокова) 150000 түхэригөөр шагнагдаба.
   Удаань Үбэр Байгалай хизаарай ТОС-уудай түлөөлэгшэд «Активный житель Забайкалья» гэhэн суглаанда, «Минута славы» гэhэн эрхим ТОС-уудай дүй дүршэлтэй танилсуулгада хабаадаа.

You have no rights to post comments