“Урда-Ага” хүдѳѳ һууринай Баян-Булаг нютагта Сагаалганда зорюулагдаһан столой теннисээр мүрысѳѳн февралиин 26-да эмхидхэгдэбэ.
Нютагай ветерануудай зүблэлэй түрүүлэгшэ Цыденеши Цынгуевай энэ мүрысѳѳ эмхидхэхэ үүсхэл гаргахада, “Онон” ТОС-ойхид дэмжэһэн байна. Хэды наһатай болоһоншье һаа, Цыденеши Дамдинович ѳѳрѳѳ тамирта ехэ дуратай хүн юм, илангаяа столой теннис наадаха һожортой.
Мүрысѳѳндэ нютагай ажаһуугшад болон Баян-Булагһаа гарбалтай, мүнѳѳ Агада, Шэтэдэ ажаһуудаг зон - бүхыдѳѳ 17 тамиршад суглараа. 45 наһа хүрэтэр С.Базаров, Б.Цынгуев, О.Цыгдаев, аха зоной дунда Д.Жапов, Б.Аюров, С.Цыгдаев эрхимлээ. Харин мүрысѳѳнэй абаргые элирүүлхэ тулалдаанда Шэтэдэ инкассатораар хүдэлдэг Бато Цынгуев Агын һурагша Солбон Базаровта гартаба.
Дэлгэрэнгыгээр 10-дахи дугаарта.
