Агын дасанай 210 жэлэй ойн баярта зорюулагдажа, шагай наадаар мүрысөөн майн 29-дэ Агын дасанда эмхидхэгдэхэнь.
Агын дасан болон И.Д.Кобзоной нэрэмжэтэ Агын хүүгэдэй урлалай байшан хоёрой эмхидхэһэн шагай нааданда бүхы хизаарай ажаһуугшад хабаадаха аргатай. Үндэһэн хубсаһатай байха, баг үмдэхэ, 10-һаа үсөөн бэшэ шагайтай ерэхэ эрилтэнүүд хабаадагшадта табигдана.
Наһанай бүлэг бүхэндэ гурбан янзаар: мори урилдаагаар, шүүрэлгээр, няһалалгаар мүрысөөн болохо. Хүүгэд 1-4, 5-8, 9-11-дэхи ангинуудай 3 бүлэгтэ мүрысэхэ, харин бүдүүн зон бүһэтэйшүүл ба эхэнэрнүүд болоод хубааржа, 18-һаа 30 наһан болотор, 31-һээ 50, 51-һээ 65, 66-һаа 75 болон 76-һаа дээшэ наһанай бүлэгүүдтэ шагай наадаха юм.
Асуудалнуудай гарабал, 89242728349 ба 89143586047 дугаарнуудаар хандахада болохо.
Эмхидхэлэй хороон.
Редакциин архивай фото.
