Хуралдаанда олоной дунда эрдэм шэнжэлэлгэ аша үрэтэйгөөр хэрэглэхэ, Ага нютагһаа гараһан эрдэмтэдтэй ба тэдэнэй шэнжэлхы ажалнуудтай танилсуулха, дүй дүршэлтэй, уран гартай бэрхэшүүлые элирүүлхэ, мүнөө үе сагай шэнэ онол аргануудые хэрэглэжэ, өөрынгөө гараар урлан бүтээдэг дархашуулай урлал харуулха ба дэлгэрүүлхэ зорилго табигдаа.
Конференци Г.Цыбиковэй нэрэмжэтэ үндэһэн музейн захирал Рыгзын Цыдендоржиев нээгээ. Хоёр бүлэгтэ ажал ябуулагдаа: «Нютагай уран гартан ба шэнэ зүйл үүсхэгшэд», «Һурган хүмүүжүүлхэ ухаанай эрдэм: мүнөө үеын шэнжэлэлгэнүүд ба амжалтанууд». Дүн хамта 24 хүн хабаадажа, алтан гартай урашуул, шэнээр зохёон урлагшад, бэрхэшүүл Агын тойрогой нютаг бүхэндэ бии гэжэ тодорхойлоо. Эрхимүүдынь грамотаар ба гарай бэлэгээр урмашууулагдаа.
Эсэстэнь хабаадагшад Гүнэй нютагай дурасхаалта газарнуудтай танилсаһан байна.
Баирма Дылгырова.

You have no rights to post comments