Баяр ёһололой хэмжээ ябуулгада тойрогой, гурбан аймагай захиргаануудай тамирай таһагуудай мэргэжэлтэд, тамирай ниитэ ажаябуулагшад, Гүнэй нютагай захиргаанай, хамтын ажахын хүтэлбэри, нютагайхид, түрэлхид, нүхэдынь Жаргалые амаршалаа, үреэлэй һайхан үгэнүүдые зорюулаа.
Гүнэй нютагайхидынь амаршална.
Залуу бүхын һоригшод: олимпийцүүдые бэлдэдэг хизаарай тамирай 3-дахи һургуулиин директор, Агын Буряадай автономито тойрогой тамирай габьяата хүдэлмэрилэгшэ Бэлик Дамдинов, Россиин габьяата һоригшо Бато Базаров гэгшэд амаршалгын ба үреэлэй үгэнүүдтэ хүртөө. Жаргал Дамдинов энэ залуу наһандаа уласхоорондын, Россиин хэмжээнэй мүрысөөнүүдтэ эрхимээр барилдажа, нютагаа, Агаяа нэрлүүлжэ ябана.
Эрдэни Чимитдоржиев.
