Рабданов Бата-Далайн нэрэ обог Дурасхаалай дэбтэрнүүдтэ бии, 23-дахи наһандаа хаана алдалан унаһаниинь эли.
«Рабданов Бата-Далай, красноармеец 601 мсп 82 мсд. 1919 г. рождения, с.Токчин Агинского р-на Бурят-Монгольской АССР. Призван Агинским РВК. Погиб в бою 6 февраля 1942 г. в д.Хващевка. Похоронен: братская могила в д.Некрасово Можайского р-на», - гээд Подмосковиин Дурасхаалай дэбтэр соо бэшээтэй.
Б-Д.Рабдановай данса. Б.Рабдановай зээ Баясхалан Гунгаевай архивай фото-зурагууд.
Тугшан нютагай хүбүүн айлай ехэнь байгаа, хоёр хүбүүд, табан басагад дүүнэртэй. Нэгэ дүүнь – Жамсо Рабданов мүн лэ Эсэгэ ороноо хамгаалгын дайнда хабаадагша, япон булимтарагшадые сохилсоһон байна. Нэгэ дүү басага-ниинь – Эхэ-герой, дайнай ара талын ажалай ветеран Рабданова Дарима эгэшэ мүнөө Гүнэй нютагта ажаһуудаг юм. Ахайнгаа дайнда мордоходо, 10-тай байһан, яагаад ошоһыень, хаана яһаа хаяһыень - хуу мэдэжэ, һанажа байдаг. «Фронтдо мордоходоо, ахай модон гэр баряад ошоһон. Бэрхэл хүн ябаһан даа... Маанияа уншажал ябаарай гэжэ намда захяа агша һэн», - гээд үндэр наһатан хүүгэдтээ хөөрэһэн байна.
Дарима БАЗАРОВА.
