«Исполнители народных песен и частушек», «Исполнители на народных инструментах» янзануудаар конкурс үнгэргэгдэһэн байна. Мүнөө жэл хэмжээ ябуулгада хизаарай 18 аймагай 28 дуушад, 35 инструментальна ба вокальна ансамбль болон хоорой 11 коллектив – хамтадаа элдэб наһанай 305 хүн хабаадаа.
Мүрысөөнүүдэй дүнгүүдтэй танилсахада иимэ.
«Исполнители» янзада 18 наһа хүсөөгүй дуушадай дунда «Ага тосхон» хотын тойрогой Алина Петрова (хүтэлбэрилэгшэнь – В.Воронова) гран-прида хүртөө. Түрүүшын һуурида Оловяннын Анастасия Габдулина (хүтэлбэрилэшэнь - О.Каминская) гараа. Харин 18 наһа гүйсэһэн дуушадай дунда гран-прида Агын «ДалиТЭ» театрай дуушан Дина Черникова хүртөө, 1-дэхи һуурида Харымай аймагай Дарһанай Тамара Микитина гараһан байна.
«Ансамбли малых форм» янзада 2 хабаадагшадтай бүлэгтэ бүдүүн зоной дунда Верх-Чита нютагайхид түрүүлээ. Гурбан хабаадагшадтай бүлэгтэ александрово-заводойхид илаа, харин 5 хабаадагшадтай 18 наһа гүйсөөгүйшүүлэй бүлэгтэ энэл аймагай арадай аман зохёолой «Хохлома» ансамбль 1-дэхи һуурида гараа. Харин 18 наһанһаа дээшэ бүлэгтэ баһал Александрово-Заводой аймагай «Здравица» гэһэн арадай ансамбль түрүүлээ. «Ансамбли средних форм» янзада 8 хабаадагшадтай бүлэгүүд соо бүдүүн зоной хоорондо Александрово-Заводой арадай «Здравица» ансамбль (хүтэлбэрилэгшэнь – Сергей Поленчук) 1-дэхи һуурида гараа, харин 11 хабаадагшадһаа олон хүтэй вокальна бүлгэмүүдэй хоорондо Могойто тосхоной «Гармония» вокальна ансамбль (хүтэлбэрилэгшэнь – С.Лхамажапова) түрүүлээ.
«Инструментальное исполнительство» янзада 18 наһа гүйсөөдүй тусхай мэргэжэлтэй гармонистнуудай дунда Л.Линховоиной нэрэмжэтэ Могойтын хүүгэдэй уран урлалай байшанай хүмүүжэмэл Денис Сундуев 1-дэхи шатын дипломдо хүртөө, энэл янзада 18-һаа дээшэ наһанай хабаадагшад соо Ага тосхоной Дугар Бочкарёв гран-при абаа бшуу.
Тусхай мэргэжэлгүй 18 наһа гүйсэһэн гармонистнуудай хоорондо Бооржогонтой нютагай Александр Бородин гран-прида хүртөө, 1-дэхи шатын лауреат Зүдхэлиин Долгор Содномдашиева болоо.
«За пропаганду игры на народных инструментах» гэһэн тусхай шанда Александрово-Заводой аймагай «Хохлома» ансамбль (хүтэлбэрилэгшэнь – Алина Болдырева) хүртөө. «Приз зрительских симпатий» шан Могойтын хүүгэдэй уран урлалай байшанай Антон Лопаткин, Ага тосхоной Солбон Элбэгтуев болон Тунгокоченой аймагай Верх-Усугли һууринай «Горница» ансамбль абаһан байна. «Русский народный костюм» янзада гран-прида Александрово-Заводой аймагай «Здравица» болон Харымай «Надежда» гэһэн арадай хоорнууд хүртөө.
