Агын буддын шажанай академидэ «Аба эжын хэлэн гамтайл!» гэhэн буряад хэлэнэй заншалта мүрысөөн мартын 11-дэ үнгэргэгдөө юм.

Энэ мүрысѳѳндэ Агын тойрогой дунда һургуулинуудай буряад хэлэндээ дуратай, эдэбхитэй, дүн хамта 54 һурагшад хабаадаа. Забайкалиин хизаараар дид хамба Цырен ламхай нээлгын баяр ёhололдо: «Үри хүүгэдтээ түрэлхи хэлэеэ, ёһо заншалаа дамжуулжа, алтаргана сэсэг мэтэ бүхэ үндэһэтэй ябахыетнай хүсэнэб», - гэжэ хэлээ юм. Агын дасанай шэрээтэ Бадма ламхай үндэһэн хэлэнэй конкурсын удха шанарыень онсолон тэмдэглээ.

 

Сагаан-уулынхид бэлэг барина.

 

“Маани уншан ябаял!” гэһэн мүрысөөндэ Сагаан-Уулын, Согто-Хангилай, Урда-Агын үхибүүд тон һайн бэлэдхэлтэй байгаа. Тэдэнэр “Доншуур маани” тон ёһо соонь, зүбөөр янгалан уншаа. «Сагаалган - арадай hайндэр» конкурсдо О.Дашинимаева (Зүдхэли) түрүүлээ. «Би гороо хэнэб!» мүрысөөндэ шүтөөнэй газарта яажа гороо хэхэб, ямар удхатайб гэхэ мэтэ асуудалнуудта эрхим харюунуудые hурагшад - В.Пурбуева, Т.Нимацыренов, Ц.Цыжипов гэгшэд үгөө. Мүн үхибүүдтэ «Би – буряад хүбүүнби!», «Эрэ хүнэй бүhэ», «Юртэмсын таабари», «Ухаан, hанаан, ябадал», «Тест» гэhэн гүнзэгы удхатай конкурснуудай ехэ туhатай, хэрэгтэй байhаниинь эли. Yреэлэй мүрысөөндэ И.Бадмаева (Хойто-Ага), Е.Цыденова (Урда-Ага), О.Дашинимаева (Зүдхэли) эгээл эрхимүүд байгаа. Сагаан-Уулын һурагшад - бадан, жалсан, лабри, зүдхэлиинхид - жаншануудые, хойто-агынхид шэрээгэй хушалтануудые уран наринаар бүтээжэ, Агын дасанда бэлэглэжэ, буян олоо.

Мүрысөөнэй дүнгүүдээр, Зүдхэлиин, Урда-Агын, Сахюуртын дунда һургуулинуудай һурагшад шангай һууринуудта гаража, диплом ба мүнгэн шангуудаар урмашуулагдаа юм.

 

 Дэлгэрэнгыгээр 11-дэхи дугаарта.

 

You have no rights to post comments